టీపీసీసీ చీఫ్ రేవంత్ రెడ్డి, ఎంపీ కోమటిరెడ్డి వెంకట్ రెడ్డి నేడు సమావేశం కావడం కాంగ్రెస్ వర్గాల్లో కొత్త ఉత్సాహం నింపింది. ఈ సమావేశంపై కోమటిరెడ్డి సోషల్ మీడియాలో స్పందించారు. “రేవంత్ రెడ్డి ఇవాళ మా ఇంటికి వచ్చారు. ఆయనను సాదరంగా స్వాగతించాను. అందుకు ఎంతో సంతోషంగా ఉంది. తెలంగాణలో కాంగ్రెస్ పార్టీ భవిష్యత్ కార్యాచరణపై ఇరువురం చర్చించాం. రాబోయే రోజుల్లో తెలంగాణ రాజకీయాల్లో మేం మార్పు తీసుకురాగలమని భావిస్తున్నాం” అని ధీమా వ్యక్తం చేశారు. అంతేకాదు, తమ భేటీకి సంబంధించిన ఫొటోలను కూడా కోమటిరెడ్డి ట్విట్టర్ లో పంచుకున్నారు. రాజకీయ వర్గాల్లో ఈ ఫొటోలు కాక పుట్టించడం ఖాయం అని వ్యాఖ్యానించారు.
