హైదరాబాద్, ఆగస్టు 2: హైదరాబాద్ రాయదుర్గంలో ఈ తెల్లవారుజామున ఘోర రోడ్డు ప్రమాదం జరిగింది. BNR హిల్స్ నుండి వేగంగా వచ్చిన కారు మార్కం చెరువు దగ్గర ఫ్లై ఓవర్‌ బ్రిడ్జిని ఢీకొట్టింది. ఈ ప్రమాదంలో చరణ్‌ అనే యువకుడు స్పాట్‌లోనే మృతి చెందాడు. మృతుడు ICFAI యూనివర్సిటీ లో BBA చదువుతున్న విద్యార్థి చరణ్‌గా గుర్తించారు. మెహదీపట్నంలోని ఇంటికి వెళ్తున్న క్రమంలో ఈ ప్రమాదం జరిగింది. కారు పూర్తిగా డ్యామేజ్‌ అయ్యింది. స్టీరింగ్‌, టైర్లు ఊడి పడ్డాయి. అతివేగమే ప్రమాదానికి కారణమని పోలీసులు తేల్చారు. పోలీసులు రెండుగంటలపాటు శ్రమించి కారు నుంచి మృతదేహాన్ని బయటకు తీశారు. మృతదేహాన్ని పోస్ట్ మార్టం నిమిత్తం ఉస్మానియా ఆస్పత్రికి తరలించారు.
