అలాస్కాలో భారీ భూకంపం

రిక్టర్ స్కేలుపై 8.2గా తీవ్రత నమోదు

అమెరికాలోని అలాస్కా ద్వీపకల్పంలో భారీ భూకంపం సంభవించింది. రిక్టర్ స్కేలుపై భూకంప తీవ్రత 8.2గా నమోదైంది. దీంతో అమెరికా జియోలాజికల్ సర్వే (యూఎస్‌జీఎస్) సునామీ హెచ్చరికలు జారీ చేసింది. పెర్రీవిల్లే అనే చిన్న గ్రామానికి ఆగ్నేయంగా 91 కిలోమీటర్ల దూరంలో రాత్రి 8.15 గంటలకు భూకంపం సంభవించినట్టు యూఎస్‌జీఎస్ పేర్కొంది. సముద్ర తలానికి 46.67 కిలోమీటర్ల లోతున భూప్రకంపనలు సంభవించినట్టు తెలిపింది. ఇదే ప్రాంతంలో ఆ తర్వాత కాసేపటికే 6.2, 5.6 తీవ్రతతో రెండుసార్లు భూమి కంపించింది.